Ադրբեջանի և Հայաստանի միջև հարաբերություններում դրական զարգացումներ են գրանցվել։ Այս մասին հայտարարել է Ադրբեջանի նախագահ Իլհամ Ալիևը՝ ապրիլի 22-ին Լատվիայի նախագահ Էդգարս Ռինկևիչսի հետ համատեղ մամուլի ասուլիսի ժամանակ։
Իր ելույթում նախագահ Ալիևը նշել է, որ «Սպիտակ տանը համատեղ հայտարարության ստորագրումից» հետո երկու երկրների ներկայացուցիչների փոխադարձ այցելություններն ավելի են նպաստում երկու երկրների միջև ավելի նորմալ միջավայրի ձևավորմանը։
Նրա խոսքով՝ արդեն իրականացվում է առևտուր, և հատկապես Ադրբեջանից Հայաստան սկսել է վառելիքի արտահանումը։
Բացի այդ, Ադրբեջանի նախագահը ընդգծել է, որ երկու երկրների քաղաքացիական հասարակության ներկայացուցիչների և մեդիայի միջև նույնպես տեղի են ունենում փոխադարձ այցելություններ և հանդիպումներ, որոնք, ըստ նրա, նպաստում են հարաբերությունների կարգավորման գործընթացին։
