Արցախի հանրապետական նշանակության հուշարձանների վերանորոգման աշխատանքներին վերաբերող իրադարձությունների կապակցությամբ ես ցանկանում եմ ներկայացնել իմ մտահոգությունները։
Անզեն աչքով էլ տեսնելի է, որ այս աշխատանքները բառացիորեն եղծել են հուշարձանը։ Կատարվել են անդառնալի վնասներ հուշարձանի ճարտարապետական հեղինակային հղացմանը, քարերի շարվածքին։ Կարելի է նկատել քարերի գույների անհամապատասխանությունը, կցակարերի անկատարությունը, որը հիշեցնում է կարկատան և փինաչիություն։
Այս ամենը վկայում է ոչ միայն անպրոֆեսիոնալիզմի, այլև ծայրահեղ անխնաության մասին։ Սա հանցագործություն է, որի հետևանքն է ամբարտավան տգիտությունը և վուլգար պոպուլիզմը։
Ո՞նց կարելի է այսպես աղավաղել այս համահայկական սրբավայրը, ճարտարապետական մարգարիտը։ Ո՞ւր է հեղինակային հսկողությունը, որը պետք է կանխեր նման աղետը։ Ո՞նց կարելի է ընդունել այս որակի կատարումը։
Այս հարցերին պատասխաններ գտնելը պարտադիր է, քանի որ դրանք վերաբերում են մեր պատմական և մշակութային ժառանգության պահպանմանը։
