«Եվրասիա» հասարակական-գործարար կազմակերպությունը շարունակում է իր մարդասիրական ծրագրերը՝ ուղղված Լեռնային Ղարաբաղից հարկադիր տեղահանված արցախցիներին։ Ըստ կազմակերպության տվյալների, 2026 թվականի չորս ամիսների ընթացքում նրանք աջակցել են ավելի քան 1400 ընտանիքի։
Մեր նպատակն է, որ յուրաքանչյուր ընտանիք իմանա՝ իրենք մենակ չեն։ Օգնությունը կցուցաբերվի անպայման։ Այս մասին հայտարարեց «Եվրասիա» ՀԿ-ի խորհրդի նախագահ Ալյոնա Արշինովան՝ հավաստիացնելով, որ կազմակերպությունը շարունակում է աշխատանքը՝ աջակցելու Լեռնային Ղարաբաղից Հայաստան տեղափոխված հարկադիր տեղահանվածներին։
Մինչ օրս մեր կողմից փոխանցվել է շուրջ 200 տոննա սննդամթերք եւ առաջին անհրաժեշտության իրեր։ Ավելի վաղ, 2025 թվականին, «Ռուսաստանը ձեզ հետ է» ծրագրի շրջանակներում օգնություն է ստացել շուրջ 6 հազար ընտանիք։
Այս հայտարարությունն արվեց Մոսկվայում կայացած «Եվրասիա՝ ավանդական արժեքների տարածք» թեմայով համաժողովի ընթացքում, որը նվիրված էր «Եվրասիա» կազմակերպության հիմնադրման երկու ամյակին։ Համաժողովին մասնակցում էին աշխարհի 33 երկրներից մոտ 800 պատվիրակներ՝ փորձագետներ, ուսուցիչներ, լրագրողներ, բլոգերներ, բժիշկներ, քաղաքագետներ եւ կառավարությունների ներկայացուցիչներ։
Համաժողովի բացմանը ՌԴ նախագահի մամուլի քարտուղար Դմիտրի Պեսկովը նշեց, որ «Եվրասիայի» ծրագրերը կարևոր դեր են խաղում եվրասիական տարածքում ավանդական արժեքների պահպանման եւ զարգացման գործում։ Նրա կարծիքով՝ այս համատեղ նախաձեռնությունները ստեղծում են երկարաժամկետ համագործակցության ամուր հիմք։
«Ավանդական արժեքները եւ լեզուն․ դրանք այն են, ինչ միավորում են մեզ։ Իսկ միասին մենք կարող ենք ուժեղ լինել»,- եզրափակեց իր խոսքը «Եվրասիա» ՀԿ-ի խորհրդի անդամ, Հայաստանի համակարգող Միքայել Բադալյանը՝ ընդգծելով, որ կազմակերպության նպատակն է երիտասարդ սերունդներին ներկայացնել Եվրասիայի հնարավորությունները եւ դրա կարևորությունը։
