Ապրիլի 27-ին Հայաստանի արտաքին գործերի նախարարի տեղակալ Ռոբերտ Աբիսողոմոնյանը ընդունել է Կարմիր խաչի և Կարմիր մահիկի ընկերությունների միջազգային ֆեդերացիայի (IFRC) գլխավոր քարտուղարի տեղակալ Քսավիեր Կաստեյանոս Մոսկերային։
Հանդիպման ընթացքում Ռոբերտ Աբիսողոմոնյանը բարձր է գնահատել Կարմիր խաչի միջազգային ֆեդերացիայի կողմից Հայաստանում իրականացվող ծրագրերը՝ ընդգծելով դրանց հումանիտար աջակցության և երկրի զարգացմանը ներդրման կարևորությունը։
Զրուցակիցները մանրամասն քննարկել են Ղարաբաղից տեղահանված հայ փախստականների երկարաժամկետ կարիքների հասցեագրմանն ուղղված ծրագրերը։ Ընդգծվել է, որ փախստականների սոցիալական և տնտեսական իրավունքների լիարժեք իրացումը պետք է ապահովի նրանց ակտիվ մասնակցությունը սոցիալական, մշակութային և տնտեսական կյանքի բոլոր ոլորտներում։
Բացի այդ, կողմերը փոխանակվել են մտքեր Մերձավոր Արևելքում ստեղծված իրավիճակի և դրա հետևանքով առաջացած հումանիտար մարտահրավերների վերաբերյալ։
