Գյումրու Վարդանանց հրապարակում «Ուժեղ Հայաստան» կուսակցության հանրահավաքի ընթացքում ելույթ ունեցավ Ռուբեն Մխիթարյանը՝ կուսակցության Գյումրու գրասենյակի ներկայացուցիչ և պատգամավորի թեկնածու։
Նրա խոսքը կենտրոնացած էր Գյումրիում տեղի ունեցած Նիկոլ Փաշինյանի նախորդ ելույթի վրա։ Ռուբեն Մխիթարյանը նշեց, որ իշխանության ներկայացուցիչը հանրության առջև հայտարարել էր, թե Գյումրին իր վերահսկողության տակ է լինելու։
«Նա, որ ութ տարի իշխանության լինելով Գյումրու համար ոչինչ չի արել, մատը մատին չի տվել, մի բան չի ավելացել, հիմա եկել է իր սրտիկներով փորձում է ձեր սրտերը շահել։ Բայց ես վստահ եմ, իմ գյումրեցիներ, որ դուք ձեր ընտրությունը արդեն արել եք։ Այս անգամ էլ մերժելու եք նրան, և գյումրեցին իր թասիբը ցույց է տալու»,- ասաց Ռուբեն Մխիթարյանը՝ իր խոսքերը ուղղելով իշխող կուսակցության առաջնորդին։
Հանրահավաքի մասնակիցները ողջունեցին Ռուբեն Մխիթարյանի խոսքերը ջերմ ողջույններով։
